Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 19 February 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
Region R06 Submenu
Latest News
News Headlines
Foto Releases
One Visayas
120201-r6-goodjob

GOOD JOB. Capiz police director S/Supt. Domingo S. Cabillan congratulates newly promoted policemen during the mass oath-taking and pinning of ranks last Jan. 30 at the Capiz Police Provincial Office in Barangay Lanot, Roxas City. The ceremony formally promoted 124 police officers in the province for their contribution to CPPO’s accomplishments in 2011. (CPPO/PIA Capiz photo/A. Lumaque)
Western Visayas Region

PIA Press Release
Thursday, January 26, 2012

Hiligaynon News: Chinese New Year Traffic re-routing sa syudad sang Iloilo

SYUDAD SANG ILOILO, Enero 26 (PIA6) -- May magaluntad liwat nga pagbag-o sa trapiko sa sining siyudad sa Biyernes, Enero 27, 2012 sa pagpatigayon sang Grand Parade kag Food Festival may kaangtanan sa selebrasyon sang Chinese New Year.

Sandig sa traffic re-routing plan nga ginpaguwa sang Iloilo City Transportation Management and Traffic Regulation Office, ang grand parade nga magasugod alas 3 sa hapon magasugod sa Bonifacio Drive sa atubang sang Department of Tourism kag maga-agi sa F. Caram Avenue, JM Basa St., Aldeguer St., Iznart St. pakadto sa Plazoleta Gay.

May kaangtanan sini sumugod alas 2 sa hapon sa Biyernes ang mga masunod nga dalanon ang temporaryo nga pagasaraduhan sa tion sang parada: humalin sa Muelle Loney pakadto sa F. Caram Avenue; bahin sang General Luna Street – humalin sa Muelle Loney pakadto sa Arroyo Fountain Street; humalin sa Muelle Loney pakadto sa corner JM Basa Street.; humalin sa corner Valeria pakadto sa corner F. Caram Avenue; porsyon sang J. de Leon-humalin sa Valeria pakadto sa corner Iznart; porsyon sang Ledesma-humalin corner Valeria pakadto sa corner Iznart; porsyon sang Muelle Loney humalin sa Quirino Bridge pakadto sa corner sang Drilon Bridge/ Rizal Lapuz; porsyon sang Joveller humalin sa corner sang Muelle Loney pakadto sa corner sang Bonifacio Drive; kag porsyon sang Rizal Lapuz- humalin sa corner Muelle Loney pakadto sa corner Rizal Lapuz (Rizal Statue).

Wala sang Public Utility Jeepneys nga pagapahanugutan nga makasulod sa mga masunod nga dalanon: General Luna Street – humalin corner Quezon pakadto sa Arroyo Fountain; Luna Lapaz- humalin corner Huervana pakadto sa Bonifacio Drive, City Proper; Ledesma – humalin Valeria pakadto sa corner Iznart; kag Iznart Street- humalin corner Rizal/Ma. Clara pakadto sa corner Aldeguer.

Gindugang sang TMTRO nga ang tanan nga trucks kag trailers humalin sa Port San Pedro Drive, sa bahin sang Lapuz kag Loboc, Molo Area kag Infante Avenue ang indi man pagpahanugutan nga makasulod sa City Proper Area sa tion sang parada.

Apang ang mga pribado nga salakyan ang makasulod sa bahin sang City Proper magluwas sa mga dalanon kon sa diin ang parada ang pagapatigayunon kag mga dalanon gindeklarar nga “no entry” sa tanan nga sahi sang salakyan.

Samtang ginpahayag sang TMTRO nga ang tanan nga Jaro CPU/Jaro Liko/ NFA/Tagbak/Ungka PUJs nga nagahalin sa bahin sang Jaro maga-agi sa E. Lopez pakadto sa Luna/Gaisano City magaliko sa wala pakadto sa Huervana kag magaliko sa tuo pakadto sa Rizal Lapaz magaliko sa tuo sa Drilon Bridge pakadto sa Muelle Loney kag maga- Load/Unload sang ila pasahero sa likod sang Provincial Capitol kag sa pagbalik magaliko sa wala sa Quirino Bridge magaliko sa wala sa Rizal tadlong sa Luna kag maga-agi sa normal nga rota pakadto sa ila lugar nga ginhalinan.

Samtang ang tanan nga Lapaz PUJs nagikan sa Huervana Street magaliko sa wala sa Rizal Street, Lapaz magaliko sa tuo sa Drilon Bridge pakadto sa Muelle Loney tubtub sa likod sang Kapitolyo Probinsiyal sa diin sila magapapanaug kag magapasaka sang ila pasahero kag sa pagpabalik magaliko sa wala sa Quirino Bridge magaliko sa wala sa Rizal Lapuz pakadto sa Rizal Lapaz kag magliko sa tuo sa Huervana kag mag-agi sa normal kag kinaandan nga rota pakadto sa lugar nga ginhalinan.

Ang Bo. Obrero kag Lapuz PUJs nga nagahalin sa Jalandoni Lapuz ang magaliko sa tuo Rizal Lapuz tubtub sa Rizal, Lapaz magaliko sa wala sa Drilon Bridge sa Muelle Loney padulong sa likod sang Kapitolyo Probinsiyal sa diin makahimo sila Load/Unload sang ila pasahero kag pagbalik magaliko sa wala sa Quirino Bridge magaliko sa tuo sa Rizal, Lapuz kag mag-agi sa normal kag kinaandan nga rota pabalik sa lugar sang ginhalinan.

Suno man sa TMTRO ang tanan nga Baluarte Derecho/SM City High PUJs nga nagahalin sa direksyon sang General Luna magaliko sa tuo sa Quezon Street magaliko sa wala sa Rizal Street (UI) padulong sa Ortiz/JM Basa kag Plaza Libertad kag sa pagbalik magaliko sa tuo sa Rizal, magaliko sa tuo sa Valeria, magaliko sa wala sa Ledesma kag maga-agi sa kinaandan nga rota pakadto sa lugar nga ginhalinan.

Tanan nga Baluarte/Calumpang PUJs nga nagikan sa direksyon sang Lopez Jaena (Baluarte) pakadto sa City Proper maga-agi sa Ledesma magaliko sa tuo sa Quezon Street magaliko sa wala sa Rizal Street (UI) pakadto sa Ortiz/JM Basa kag Plaza Libertad kag sa pagbalik magaliko sa tuo sa Rizal magaliko sa tuo sa Valeria, magaliko sa wala sa Ledesma kag maga-agi sa normal ukon kinaandan nga rota pakadto sa lugar nga ginhalinan.

Samtang ang PUJs nga nagahalin sa direksyon sang Timawa Avenue sa pagpakadto sa City Proper maga-agi sa Delgado, magaliko sa tuo sa Jalandoni, magaliko sa wala sa Ledesma magaliko sa tuo sa Quezon Street magaliko sa wala sa Rizal Street (UI) pakadto sa Ortiz/JM Basa kag Plaza Libertad kag sa pagbalik magaliko sa tuo sa Rizal, liko sa tuo pakadto Valeria, liko sa wala sa Ledesma kag maga-agi sa normal ukon kinaandan nga rota pakadto sa lugar nga ginhalinan.

Tanan nga Villa/Parola/ITGSI via Diversion PUJs ang maga-agi sa normal kag kinaandan nga rota sa pagsulod kag pagguwa sa City Proper samtang ang Mandurriao PUJs nagikan sa direksyon sang General Luna sa pagpakadto sa City Proper magaliko sa tuo pakadto Jalandoni, liko sa wala pakadto Ledesma, liko sa tuo pakadto Quezon, liko sa wala pakadto Rizal kag sa pagbalik magaliko sa wala sa Valeria kag maga-agi sa normal kag kinaandan nga rota balik sa lugar nga ginhalinan. (JCM/LAF/PIA6)

 
Latest Stories
  • 500 poor families get 'bags of blessing' (R06)
  • Close to 200 Negros Occidental police officers get promotion (R06)
  • Police Information Officers receives commendation medals (R06)
  • Aklan detainees trained on proper waste management (R06)
  • Hiligaynon news: DOLE 6 may bag-o nga direktor (R06)
  • Mangrove tree planting to highlight World Wetlands Day (R06)
  • Hiligaynon news: Impormasyon sa populasyon sa Iloilo nagapakita pagkinahanglan sa pagmanehar sing maayo (R06)
  • Various activities to mark World Wetlands Day in Iloilo (R06)
  • Hiligaynon news: Alert Level sa Yemen napanubo sa level 2 – DFA (R06)
  • Hiligaynon news: Katigulangan sa Capiz magabaton bakuna (R06)
  • DOLE 6 has new director (R06)
  • Hiligaynon news: May 287 ka mga kapulisan ang gin promote sa NegOcc (R06)
  • Capiz elderly to avail immunization (R06)
  • Starter kits provided to 100 SMAW graduates (R06)
  • Bacolod City re-launches the green movement (R06)

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines