PIA Press Release
Tuesday, January 31, 2012Hiligaynon news: May 287 ka mga kapulisan ang gin promote sa NegOccSYUDAD SANG BACOLOD, Enero 31 (PIA) -- May total nga 287 ka mga commissioned kag non-commissioned nga kapulisan nga nadestino diri sa Negros Occidental ang gin promote sining karon lamang, suno sa dokumento sang Police Regional Office 6. Sa 1,137 nga bag o gin promote nga mga kapulisan sa Rehion 6, 184 ang nadestino sa nagakalain-lain nga mga police units sa Negros Occidental Police Provincial Office kag 103 naman ang sa Bacolod City Police Office. Ang pinning of ranks, sa mga bag o napromote nga mga kapulisan sa probinsya kag sa syudad nga mga opisina, ginhiwat sang dulungan sa Rehional Police Headquarters sa Syudad sang Iloilo, sining karon lamang. Si Chief Supt. Cipriano Querol, regional police director, ang nagpamuno sa pag pinning of rank insignias sa na promote nga mga opisyales sa Camp Martin Delgado sa Syudad sang Iloilo. Si Querol nagsiling sa mga kapulisan nga ang promotion sa madason nga mataas nga rango nagahatag sang dugang nga kagamhanan kag ini naga upod sa madaku nga responsibilidad kag misyon, sa pagtuman sang tanan nga obligasyones kag mga salabton nga ginhatag sa ila mga rango kag posisyon, dugang ni Querol.*(JSC/CD-PIA6 Neg.Occ.) |
