PIA Press Release
Monday, January 30, 2012Cebuano News: Pres. Aquino nanguna sa seremonya sa 'Galing Pook 2011 Award' sa MacalaņangManila, Enero 30 -- Pangunahan ni Presidente Benigno S. Aquino III ang seremonya sa 2011 Gawad Pook Awards nga gipahigayon sa Malacaņang karon nga adlaw uban nila Interior Secretary Jesse Robredo, Galing Pook National Selection Committee chair Rafael Coscolluela, ug Galing Pook Foundation chairperson Nieves Confesor.Ang Galing Pook Awards nga gisugdan niadtong 1993 mao ang tinuig nga pagpili alang sa mga pinakamaayong programa sa pagdumala sa tibuok nasud. Ang makuting pagpili nagtan-aw sa positibong resulta ug epekto, partisipasyon sa katawhan ug paghatag kanila ug kakayahan, episyenteng pagdala sa mga serbisyo, ug pagkamalungtaron sa programa. Ang mga napiling Galing Pook awardees niini nga tuig may kalambigitan sa paghatag ug solusyon sa pagtubag sa kalamidad, community-based funeral services, pagpauswag sa partisipasyon sa publiko diha sa pagdumala, paghimo ug mga modelong komunidad, pagpauswag sa agrikultura, pagdumala sa kinaiyahan, ug pagpauswag sa serbisyon sa panglawas. Mokabat sa 150 ka mga local government units (LGUs) ang pasidunggan nga naglakip sa kapin 240 ka mga programa sa natad sa pag-atiman sa panglawas, pagmentinar sa kalinaw, pakabuhian, pabalay, ug uban pang mga isyu. (Translated by LPT/PIA8 Biliran) |
