PIA Press Release
Tuesday, January 31, 2012Waray News: Health office nagsagda pagkaon mga prutas, utan basi malikayan an malnutrisyonSAN JOSE, Antique, Enero 31 (PIA) -- Ginsagda han Provincial Health Office an mga tawo nga magtanom kadugangan nga mga prutas, utanon basi malikayan an malnutrisyon.“Daily consumption of fruits and vegetables will be this year’s campaign statement to pursue nutrition programs,” segun kan Provincial Nutrition Action Officer, Nida Pallon. Dara hini, igdududso daw nira an pagtanom ha palibot han balay hin prutas ngan utanon aber masiguro nga pirmi andam ha panimalay hin igo nga pagkaon. Diri naman daw kinahanglan mahal an pagkaon, magtanom la daw segun kan Pallon. Kargado daw hin bitamina ngan mineral an malunggay, saluyot, ngan kapaya. Kasugbong daw nira an Departments of Agriculture and Education,ha pagduso han gulayan sa paaralan ngan gulayan sa bayan, basi magkamay-ada kanunay hin prutas ngan utanon. Kadugangan pa, gin hangyo ni Pallon an mga opisyales han barangay nga mag suporta han kampanya ha kalimpyo. An paghunaw gamit hin sabon in makakapalikay han bata han kasakit. Ha kag-anak naman, mahinungdanon daw an ira papel han nutrisyon han bata. Unta ira daw updan an bata ha health center para regular check up, immunization, supplementation ngan iba pa nga health packages sama han panimbang ngan feeding program, segun han surok. Karuyag daw nira umapi an mga tawo han “Package for the Improvement of Nutrition of Young Children” or DOST PINOY han Department of Science and Technology. (Translated by Ninfa Quirante/PIA 8-Samar) |
