PIA Press Release
Tuesday, January 31, 2012Cebuano News: NFA nagduso alang sa pakonsumo sa i-Rice sa Southern LeyteMAASIN CITY, Southern Leyte, Jan 31 (PIA) -- Ang National Food Authority dinhi sa Southern Leyte nag-awhag sa mga hingtungdang opisyales sa tibuok probinsya sa Southern Leyte sa pagsuporta sa gobyerno., ilabi na sa iron-fortified rice o giilang i-Rice.Si NFA Information Officer designate Elisa E. Almacin nagtaho nga ang pinakaimportanteng tumong sa i-Rice mao ang paghunong sa problema nga mihulga sa kinabuhi sa katawhan – ang micronutrient malnutrition. Siya nagkanayon nga ang micronutrient malnutrition usa sa dakong problema sa nasud tungod sa kakuwang sa micronutrients sama sa iron, iodine ug bitamina A. Agi ug tubag sa pagtuon diin nagbutang sa Pilipinas isip usa sa mga nasud nga nag-antos gikan sa nutritional disorder, ang NFA nagpahibalo sa kaimportante sa “i-Rice” sa pagtabang sa nasud diha sa pakig-away sa maong problema padulong sa maayong nutrisyon ug balanseng pagkaon, matud pa sa taho ni Almacin sa PIA-Maasin. Sa nahibaloan, ang nationwide launching sa i-Rice gihimo niatong Marso 2011. Kini nagtumong sa pagsuporta sa programa sa NFA diin nagsuporta sa fortification sa mga produkto base sa Republic Act 8976 o ang Philippine Food Fortification Act of 2000. Si Almacin nagtaho nga ang main concern sa ilang dapartamento mao ang bugas, diin mao ang nag-unang kinahanglan sa nasud, ug nagkanayon nga gisuportaan nila ug maayo ang programa nga i-Rice ug nag-awhag usab sa suporta sa nagkadaiyang ahensya sa gobyerno. “Health is wealth” matud pa niya ug midugang nga himoon ang i-Rice program nga inadlawng kan-onon sa tawo, ug siya naglaum nga ang hingtungdang ahensya parte usab sa pagpahibalo niini alang sa kaayohan sa katawhan aron adunay himsog nga katawhan sa usa ka himsog usab nga nasud. (RGC/PIA8-SoLeyte) | 
