Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 18 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
Region R09 Submenu
Latest News
News Headlines
Foto Releases
One Mindanao
Special Issues
120131-r9-training2

EIA division chief Engr. Winnie Ramos lectures on disaster risk reduction and climate change adaptation. (PIA-9)
Zamboanga Peninsula Region

PIA Press Release
Wednesday, January 18, 2012

Cebuano news: 90.5% nga pahat sa mga departamento karong 2012 napagawas sa Enero

ni Alfonso T. Ruda

DIPOLOG CITY, JAN. 18,(PIA)--- Napagawas na ang 90.5 porsiento sa P868.9 bilyones ka pesos nga pahat sa nagkalain-laing departamento sa gobyerno karong 2012 sa unang duha ka semana sa Enero, kini matod pa sa Department of Budget and Management.

Matod pa ni Budget Secretary Florencio “Butch” Abad, 47.3 porsiento kon 858.8 bilyones ka pesos usab sa kinatibuk-ang 1.816 tirlyones ka pesos nga General Appropriations sa tuig 2012 ang napagawas na sa DBM sa unang bahin niining bulan sa Enero.

Dugang pa sa Kalihim, nga ang dakong bulto sa pondo nga sayong napagawas sa DBM karong tuiga mao lamay manipestasyon sa kamatinud-anon sa administrasyong Aquino nga mapatuman sa tukmang panahon ang mga proyekto ug programa sa gobyerno, dungan ang pagsiguro sa transparency ug accountability sa mga opisyal nga naggumit sa pondo sa gobyerno.

“Nahimo namo ang pagpagawas sa di-kasarangang gidak-on nga pondo, gumikan sa sayo usab nga pagkapasar sa nasudnong budget karong tuiga. Ang department-focused releases nahimo ilalom sa Agency Budget Matrix ug ang maong pondo nagrepresentar sa mahinungdanong bahin sa 2012 GAA para sa nagakalain-laing programa, aktibidades ug proyekto sa gobyerno,” matod pa ni Abad sa iyang report kang Presidente Benigno Aquino III.

Gihatagan ug punto ni Abad nga ang dakong pondo nga gipagawas ug sayo maghatag ug kahigayonan sa administrasyong Aquino nga mapatuman ang nagkalain-laing proyektong inprastaktura ug paghuman niini sa di pa moabot ang ting-ulan ug paghapak sa bagyo.

Hangtud niadtong Enero 12, 2012, nakapagawas na ang DBM ug 99.6 porsiento kon 424.6 bilyones sa 426.1 bilyones ka pesos nga pahat alang sa personnel services, samtang 90.4 porsiento usab sa maintenance and other operating expenses ang

napagawas niadtong Enero 4.

“Dugang pa niini, malampuson usab nga napagawas ang 72.1 porsiento kon 150.2 bilyones sa 208.3 bilyones ka pesos alokasyon para sa capital outlays(CO) . Kining maong mga panghitabo sukwahi kaayo sa nasinatian niadtong 2011 diin ang dakong bulto sa alokasyon para sa capital outlay napagawas lamang sa ikaduhang bahin sa tuig,” matod pa ni Abad.

Lakip sa mga CO releases hangtud niining mga petsaha gilangkuban sa Php142-bilyones para sa nagkalain-laing proyektong inprastaktura ilalom sa mga ahensiya sa gobyerno sama sa Department of Public Works and Highways (DPWH), Php91.06-bilyones; Department of Agriculture (DA), Php24.97-bilyones; ug Dept. of Education (DepEd), Php11.06-bilyones.

Lakip sa napagawas sa DBM ang 69.52 bilyones ka pesos nga tipik sa 723.629 bilyones ka pesos nga automatic appropriations hangtud niadtong Enero 15, 2012.

Ang automatic appropriations gamiton aron pondohan ang Internal Revenue Allotments; ibayad sa interes; ug Retirement ug Life Insurance Premiums.

Php82.32 bilyones sa nasudnong budget karong tuiga gigahin para sa big-ticket items nga nagkinahanglan pa ug pagtugot,a lakip na ang Php20.33 bilyones sa Dept. of Health; Php12.43 bilyones sa Dept. of Public Works and Highways; ug Php12.16 bilyones sa Dept. of Transportation and Communication(DOTC).

Ang dakong bulto kon 31.3 porsiento sa nasudnong budget karong tuiga, gigahin alang sa Social Services, Php586.6-bilyones; gisundan sa Economic Services, Php438.8 bilyones (42.4 porsiento); debt services, Php356.1 bilyones (19.6 porsiento); General Public Services, Php338.l bilyones (18.6 porsiento); ug Depensa, Php11.4 (6.3 porsiento). (ALT/ATR/PIA9-Zambo Norte)

 
Latest Stories
  • P118-M worth of Infra projects implemented by Dipolog in 2011 (R09)
  • DTI warns the public against text scams (R09)
  • Chavacano news: Dos cientos anticipao atende el 10th Chapter Assembly del PRC (R09)
  • Feature: Organic farming: additional income for CAFGUs, civilians added source of incom (R09)
  • 200 expected to attend Red Cross- Zambo city 10th chapter assembly (R09)
  • More than 300 incoming freshmen in Zambo Norte avail early registration (R09)
  • Cebuano News: 390 ka balay, ipabarog sa NHA sa Sulu (R09)
  • Eating white corn is healthy, says DA-IX (R09)
  • OWWA-9 participates in Annual Migrant Workers Forum on HIV (R09)
  • Team WESCOM joins Unity Run for education (R09)
  • ZHA-Public Private Partnership in the promotion of health services in Region 9 (R09)
  • DOE launches best E-Trike design contest nationwide (R09)
  • NNC-IX holds nutrition confab in Dapitan (R09)
  • Cebuano news: Kahugpungan sibil mobantay sa implementasyon sa PAMANA sa mga PDCs (R09)
  • Cebuano news: Proseso sa kalinaw gakinahanglan lawum nga pagsabot – Deles (R09)

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines