PIA Press Release
Sunday, January 29, 2012Cebuano News: NHA gimandoan nga mahuman ang pagtukod og mga balay sa Bayanihan Village sa Iligan sa HunyoBy Lorry V. GabuleILIGAN CITY, Lanao del Norte, Jan. 29 -- “Kinahanglang isaad ninyo nga sa paghidangat sa Hunyo 2012, matapos na ang tanang balay dinhi.” Kini maoy mando ni Presidente Benigno Simeon Aquino III ngadto sa National Housing Authority (NHA) atol sa iyang pagbisita dinhi sa dakbayan sa Iligan niadtong Enero 25. Gipasabot ni PNoy, nga ang mga balay sa Bayanihan Village sa barangay Sta. Elena maoy usa sa gihimong 'resettlement site' alang sa mga pamilyang nakaluwas sa bagyong Sendong. Ang nasangpit nga mga balay o 'core shelters' alang sa mga survivors, kinsa ang daghan pa kanila ang atua sa mga 'evacuation centers,' tukuron pinaagi sa “bayanihan ng bayan” system sa Gawad Kalinga ug sa Habitat For Humanity. Mi-abot sa 5,683 ka mga balay ang ‘totally damaged’ samtang 16,959 ang partially damaged atol sa maong kalamidad. Miabot ngadto sa 704 ka tawo ang namatay, 566 ang nawala, apan matud pa ni Mayor Lawrence Cruz, gikonsidera na nga patay. Dugang niini, 32 sa 44 ka mga barangay ang naapektuhan sa maong kalamidad diin ang damyos niini mikabat ngadto sa kapin 3.5 bilyones pesos. (CIO/PIA-10) | 
