Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 20 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
Region R13 Submenu
Latest News
News Headlines
Foto Releases
One Mindanao
Regional Profile
120201-r13-groundbreak

Regional directors, representatives of the government agencies, and some private stakeholders together with Butuan City Mayor Ferdinand Amante, Jr. and other officials witness the inauguration of the Department of Science and Technology (DOST) Caraga’s new Science and Technology Center, as well as the groundbreaking of its Metrology Laboratory at the Caraga State University (CSU) Campus, Barangay Ampayon, Butuan City headed by Regional Director Lyndo Villacorta. (PIA-Caraga)
CARAGA Region

PIA Press Release
Friday, January 13, 2012

Cebuano News: PNoy girebisar ang sumbanan sa suspension sa mga klase ug trabaho sa gobyerno gumikan sa mga katalagman

ni Susil D. Ragas

SURIGAO CITY, Enero 13 (PIA) -- Gipalapdan ni Pangulong Benigno S. Aquino III ang kasamtangang protocol sa pagkansela sa mga klase ug trabaho sa gobyerno panahon sa bagyo lakip na ang baha, kalamidad, ug uban pang mga pagsamok sa panahon aron malikayan ang mga kadaot.

Si Executive Secretary Paquito N. Ochoa Jr. mibutyag kagahapon, Huwebes nga ang Pangulo mipagawas sa Executive Order No. 66 niadtong Enero 9, aron pagpahapsay ug pagpasayon sa mga proseso alang sa pagkansela sa mga klase sa pangpubliko ug pribadong mga eskuylahan ug trabaho sa panggobyernong mga buhatan tungod sa kalamidad.

“This presidential issuance is an assertion of the State’s declared policy to institutionalize measures that will ensure that the general public, including students and state workers, will be safe from needless hazards and that their lives and limbs will be safeguarded,” si Ochoa miingon.

Ang EO 66 mitakda sa mosunod nga mga sumbanan sa pagkasenla o pagsuspinde sa mga klase sa pangpubliko ug pribadong eskuylahan ug trabaho sa gobyernong buhatan:

• Signal No. 1 – Ang mga klase sa pre-school level, sa apektadong lugar, awtomatikong suspendido o kanselado.

• Signal No. 2 – Ang mga klase sa pre-school, elementary ug sekondarya , sa apektadong lugar, awtomatikong kanselado o suspendidoand.

• Signal No. 3 – Ang mga kalse sa pre-school, elementarya, sekondarya ug kolehiyo, sa apektadong lugar, pati ang graduate school, lakip usab ang trabaho sa tanang mga buhatan sa gobyerno, awtomatikong kanselado o suspendido.

Gimandoan usab ni Pangulong Aquino ang Philippine Atmospheric, Geophysical and Astronomical Services Administration (PAGASA) sa pagpagawas og mga weather forecast ngadto sa mga nakalain-laing mga media outlets, lakip ang radyo ug telebisyon, sa dili pa molapas sa alas 10:00p.m. ang takna sa kagabii sa naunang adlaw ug alas 4:30 a.m. sayong buntag sa adlaw sa gikatakdang kanselasyon o suspension sa mga klase ug trabaho.

Apan, ang Pangulo miingon nga sa panghitabo nga adunay mga klase ug trabaho sa buntag ug ang suspension sa mga klase ug trabaho moepekto lamang sa hapon, ang PAGASA kinahanglan mopagawas sa maong weather forecast dili pa molapas ang alas 11 a.m. sa buntag sa maong adlaw.

Ug sa samang gihayon, ang EO 66 nagtakda nga sa panahon nga walay typhoon signal o warnings gikan sa PAGASA, ang local chief executives maoy moimplementar og local nga kanselasyon o suspension sa mga klase ug trabaho uban ang koordinasyon sa weather bureau ug sa National Disaster Risk Reduction and Management Council (NDRRMC), partikularmente sa mga lugar nga delikado sa pagbaha.

Sa mga lugar nga apektado sa mga katalagman pang uban luyo sa mga bagyo, ang pagkansela sa mga klase sa tanang lebel sa pribado ug pangpublikong mga eskuylahan ug trabaho sa gobyerno makanselado o masuspendindo lamang kon kini edeklara sa Pangulo human ang rekomendasyon sa NDRRMC.

Gitahasan usab sa EO 66 ang NDRRMC nga pahibal-on gyud dayon ang Office of the President (OP), pinaagi sa Executive Secretary, kon aduna o sa tanang kanselasyon o suspension sa mga klase ug trabaho sa gobyerno sa apektadong mga lugar.

Ang Pangulo mimando usab sa mga ahensya sa gobyerno nga may direktang kalabotan sa disaster risk reduction and management nga imentinar ang mga operasyon sa ilang mga tagsa-tagsa ka mga buhatan aron maseguro ang padayon nga serbisyo publiko.

Kini nga mga buhatan sa gobyerno mao ang Office of the Executive Secretary ug ang Department of National Defense, ang Interior and Local Government, Social Welfare and Development, Science and Technology, Health, Public Works and Highways, Education ug lain pang uban, nga diin ang ilang mga operasyon kinahanglanon sa Pangulo o sa NDRRMC.

Ang OP, pinaagi sa Executive Secretary, adunay parehong awtoridad uban ang NDRRMC nga mokansela o mosuspende sa mga klase ug trabaho atol sa mga katalagman, gitakda sa EO. (PIA-Surigao del Norte)

 
Latest Stories
  • Feature: Yacon juice and tea (R13)
  • Feature: VCO has no cholesterol content according to FNRI-DOST (R13)
  • Feature: Coconut sugar and syrup are promising alternative sweeteners (R13)
  • Feature: Most fruits have low Glycemic Index (R13)
  • Tagalog news: Feature: Produkto mula sa yakon ginawa ng FNRI (R13)
  • 165 newly promoted police officers take oath (R13)
  • Tagalog news: Feature: Piliin ang mga produktong may Sangkap Pinoy Seal (R13)
  • Agusan del Sur to implement “Tingog 2015” (R13)
  • Cebuano news: Aquino gipasindunggan ang mga manaug sa Galing Pook 2011 Awards (R13)
  • DPWH assures completion of high impact tourism projects in Siargao Island (R13)
  • Feature: It all began with a single step (R13)
  • Feature: 4 Cabinet members turnover 6,000 armchairs (R13)
  • DENR 13 to produce 1.4M fruit tree seedlings for NGP this year (R13)
  • Tagalog news: 7 iskolar sa Australia mula Agusan del Sur nagtapos (R13)
  • Cebuano news: Puerto Princesa Underground River sulod na sa New Seven Wonders of Nature (R13)

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines