PIA Press Release
Monday, January 30, 2012Cebuano news: Puerto Princesa Underground River sulod na sa New Seven Wonders of Natureni Susil D. RagasSURIGAO CITY, Enero 30 (PIA) – Ang Malacañang mipadayag sa dakong kalipay tungod sa report nga ang Puerto Princesa Underground River (PPUR) gidekara na isip usa sa New Seven Wonders of Nature, ang opisyales sa Palasyo miingon niadtong Sabado. "Confirmation that the Puerto Princesa Underground River is one of the New Seven Wonders of Nature is welcome news indeed. Throughout the competition, Filipinos from all walks of life have given time, energy, and resources to this campaign," si Presidential Spokesperson Edwin Lacierda miingon sa iyang pamahayag nga gipagawas niadtong Sabado. Ang Puerto Princesa Underground River (PPUR) kumpirmado na karon isip usa sa New7Wonders of Nature. Kini naila nga adunay kinatas-ang malawig nga underground river sa kalibutan. "This effort has raised awareness not only overseas, but nationally as well: visits to the PPUR have increased tremendously. This is proof positive of how effective a national effort of this sort can be --- to build awareness, express pride, and achieve results," si Lacierda miingon. Niadtong 2011, si Pangulong Benigno S. Aquino III miawhag sa mga Filipino sulod ug gawas sa nasod nga iboto ug suportahan ang garbo sa nasod, ang Puerto Princesa Underground River, isip usa sa mga finalists sa global search alang sa New 7 Wonders of Nature. Sa iyang parte, si Bernard Weber, ang Founder-President sa New7Wonders, gipahalipayan ang katawhang Filipino tungod sa pagsuporta sa ilang nasyunal nga finalist sa maong global campaign. “When your very own President Aquino came out in support of the PPUR campaign, I knew that this country was taking the New7Wonders of Nature seriously,” si Weber miingon. “Fans of PPUR all over the world responded to his call for action by voting in record numbers and today’s confirmation is the well-earned reward for this extraordinary display of enthusiasm,” sa iyang pagdugang. Ang Puerto Princesa Underground River nahamutang sa 50kilometros norte nga bahin sa syudad sa Puerto Princesa, Palawan Island sa Pilipinas. Kini nasakopan sa batong limestone nga bukid nga talan-awon, daghang dagko nga lawak nga adunay talagsaon nga mga pormasyon sa stalactites ug stalagmites, ug 8.2kilometros malawig nga underground river nga padulong ngadto sa langob adisir mogawas ngadto deretso ngadto sa West Philippine Sea. Didto sa eksit nga bahin, usa ka walay tatsa nga danaw ang gikuwadro sa mga karaang kahoy nga nagtubo sa tubig. Ang probisyunal nga New7Wonders of Nature mao ang: Amazon, Halong Bay, Iguazu Falls, Jeju Island, Komodo, Puerto Princesa Underground River, ug Table Mountain. Sunod sa Jeju Island, ang Puerto Princesa Underground River maoy ikaduha nga makumpirma sa preliminaryong basehan, human makumpleto ang balidasyon sa telephone voting dinhi sa Pilipinas. Ang nahabilin nga lima ka probisyunal sa New7Wonders of Nature kasamtangan pang mipailawom sa tulo ka mga ang-ang sa proseso sa beripikasyon, nga mao ang national voting validation, global voting calculation confirmation, ug ang preparasyon ug implementasyon sa seremonya sa opisyal nga inagurasyon. (PIA- Surigao del Norte) | 
